我轉左地方寫野同埋放BB既相呀!

http://hk.myblog.yahoo.com/

http://www.facebook.com/photos.php?id=704512786

如果睇唔到可以留Message 比我丫.

上星期五去左廣華覆診, 起初所有野都整常, 但到左見醫生既時候, 醫生問我近期BB有無咩特別, 我就同醫生講最近一個星期BB比之前郁小左, 無好力咁踼我. 醫生即刻好緊張咁寫紙叫我入院檢查BB心律, 我一聽到就開始好驚. 因為我心諗醫生會話正常既, 點之好次好大獲咁.

之後我出左去等護士帶我上病房, 都等左好耐呀, 因為佢地要睇晒所有大肚媽咪先, 集齊要上病房既媽咪一齊上去, 係我等既期間我老公打比我問我覆診點, 我想喊咁同佢講, 我要上病房檢查BB心律呀!

護士等齊所有人, 之後我就上去病房, 原來都有3個媽咪都要檢查心律, 上到11樓我地登記完之後, 就分別訓一張床, 之後護士幫我放左2個儀器係我肚上面, 跟住有個手制比我, 叫我每次BB郁就按制. (每次檢查大約要半個鐘).

半個鐘好快就攪掂, 之後我同幾個媽咪一齊係病房食飯, 因為當時已經2點幾, 同埋又要等醫生睇完個報告先, 因為如果個報告無問題既就可以走, 不過都已經當你住左一日醫院, 收費$150. 半個鐘之後醫生睇完晒d報告, 其他媽咪可以走, 只有我醫生話出見左問題要我再做測試, 咁我問點解, 醫生話報告入面有1至2次出見停止or慢左咁, 我當時都唔知點好, 又訓上張床到再做半個鐘, 呢半個鐘我真係覺得比之前擔心, 不過我覺得BB郁多過第一次, 心諗應該無問題啦!

又過左半個鐘醫生再睇個報告, 點之醫生話BB係到好似訓左咁, 所以要再做多次, 我當時即刻同醫生講, 唔係喎佢有郁嫁喎, 不過醫生都係叫我再做多次, 跟住又訓上張床到, 當時已經係4點幾, 我當時個腦一片空白, 只係希望BB無事, 最慘係我要將手提關閉唔可以打電話, 因為我當時真係好想打比老公or 媽咪呀!

又再過左半個鐘醫生再睇個報告話今次BB無問題可以走喇! 不過要睇住每日BB既郁動有無10次, 如果無就即刻返醫院, 好即刻放心左小小, 之後走出醫院即刻打比老公, 點知老公已經出左離醫院lu, 佢話我咁多個鐘無電話打比佢, 打比我又打唔到, 所以佢同公司講有事出去. 而我媽咪就係到話我, 叫我快d放產假, (因為我成個禮拜都開OT開到好夜, 覆診前一晚開到10點.)